【一念瑜伽(Tapas Yoga HK) - 用瑜伽回饋社會 - 從慈善伸展瑜伽到雙人地面瑜伽的心路歷程】
筆者 -
用瑜伽回饋社會 - 從慈善伸展瑜伽到雙人地面瑜伽的心路歷程
今年，小編心入面想透過瑜伽去幫助更多人同動物，希望盡量可以每個月舉行一次慈善活動。事源係小編年頭參加咗一間機構嘅program ，社工幫助咗我好多，當我完埋最後一個session時，想了解下呢個program，想推介比身邊更有需要嘅人參加。無奈地，社工話我知因為funding問題，呢個program要停了。我就幸運地同無奈地成為咗呢個program最後一個受惠者。慢慢地，留意到唔少救援機構都會因為funding呢個問題而無法繼續救援。
於是，就好想好想用一啲方法可以回饋返呢個社會。從來都覺得Yoga is for everyone，咩人士都可以參加，亦認為瑜伽可以幫到唔同人同唔同動物。Tapas完咗Teacher training後，小編就膽粗粗搵下有冇啲志同道合一樣傻嘅同學仔幫手啦！點知又真係有！於是真係可以再踏出一步實行我嘅計劃。（其實係我太細膽，唔夠膽問現職老師有冇興趣幫手，如果有老師想參與呢個計劃，歡迎話我知。）
於是，6月同7月分別舉行 慈善伸展瑜伽 及 慈善雙人地面瑜伽 捐助比毛守。聽到義工講我地呢個小小嘅行動已經幫助到佢地好多。又係6月某一日，有路人問我打算八月舉行咩活動，佢話希望可以參加。然後發現，原來呢啲小小嘅活動，會有人留意，會有人期待，會有人覺得有意義。深知，呢啲活動只係一次性，其實幫助不大。但大家一齊踏出第一步，或許日後有能力再行多幾步，慢慢將得到嘅回饋呢個社會，令呢個社會（同自己）開心啲。
最後，慈善活動不只限於捐錢，而是任何形式都可以考慮。如果有社企同慈善機構想合作，歡迎聯絡我地喔❤️如果大家有咩idea，都歡迎大家話我地知，集思廣益下🫶🏻
Ps. 有老師話會全力配合我呢個計劃，好感動🥹
📱 Whatsapp 預約及查詢：
元朗分館：+852 68287318
荃灣/荔枝角分館：+852 54700838
📍 地址：
- 元朗安樂路129號基達中心206F（朗屏西鐵站E出口步行3分鐘）
- 荃灣大河道99號99廣場19樓05室
- 荔枝角永康街55-57號金百盛中心25樓2503室
🧘♂️ 想了解更多或跟進我們的最新資訊？歡迎關注我們：
🎉 感謝所有支持Tapas Yoga的朋友們！
感謝您閱讀我們的文章，期望大家有所收穫，認識更多瑜伽知識。 我係Tapas Yoga HK 嘅 ，Tapas Yoga HK係一間專門練習瑜伽的瑜伽教室，在元朗、荃灣，荔枝角設有瑜伽練習中心。如果您想開始您的瑜伽之旅，可透過WhatsApp （元朗）68287318或（荃灣/荔枝角）54700838 聯絡我們了解更多。
0